Dopu una sittimana passata ad ascultà a sucietà civili, u Cunsigliu Ecunomicu, Suciali è Culturali hà datu u so resucontu luni scorsu. Un resucontu di una quindicina di pagini, dopu ad avè ascultatu vicinu di trè centu parsoni è lettu dui centu intervinzioni scritti. Ùn fussi  h'è què, saria dighjà tistimunianza di u bisognu di sprimarsi di a ghjenti, di u so intaressu di a cosa publica. D'alcuni parlani di cataluga chì, ad ogni attellu - ci n'hè statu quatordici - a ghjenti hà parlatu sopratuttu di i prublema chì cuncirnaiani u so duminiu. Cosa chì và "cù i so pedi", n'hè ? Ma sempri u bisognu di scrivasi in una prublematica isulana. Fattu fini nascia dighjà una prima sintesi. D'altronda, pà a ghjenti chì hà suvitatu issi attelli, u resucontu ùn hà traditu micca ciò chì hè statu dittu. Chì n'hà da essa di issu resucontu ? Oramai hè in manu à u Prisidenti di l'Assemblea di Corsica, ellu chì avia incaricatu u Cunsigliu di issu travagliu. U Prisidenti Ceccaldi hà bè precisatu chì u rola di u Cunsigliu era statu d'ascultà. Nienti ch'è ascultà. Oramai u Cunsigliu adunisci i so cummissioni è dopu à un siminariu darà u so parè. Infini chì s'ellu ùn era ch'è un cataluga saria pocu affari. Ma, aghjenti chì s'hè prisitenta l'hà fatta in un altru cuntestu, in cunniscenza di a chjama è ciò chì si sgaghja d'impurtantissimu ghjè chì ùn si avnzerà micca senza l'allarghera di u quadru istituziunali, qualunqua sia u nomu chì li si darà. È dopu ? Dopu ci vularà à stupà si i mani. L'ani ditta tutti. Un populu ùn si ammaistreghja ch'è s'ellu diventa rispunsevuli.