VIAGHJU IN A SUCIITÀ CIVILI
U luni 14 di frivaghju, u Cunsigliu
ecunomicu suciali è culturali, dopu ad avè ni ufficializatu u so cuntinutu in Assemblea
generali, hà rimissu u so resucontu à u Prisidenti di l’Assemblea di Corsica.
a suciità civili
Di chì si tratta ? Dopu à u scontru di Matignon, cù u insemi di l’eletti
corsi, u Prisidenti di l’Assemblea di Corsica à incaricatu u CESC di ascultà a
« suciità civili ». Duranti una sittimana, in quatordici attelli, hè stata
scontra a maiò parti di i rispunsevuli o animatori di istituzioni, urganisimi è
assuciazioni di a vita ecunomica, suciali è culturali. Più di trè centu parsoni ani
participatu ; sò ad aghjustà dui centu participazioni scritti ; tutti i
dibattiti sò stati arrighjistrati. Hè vera chì u CESC par eddu stessu riprisenta, in
fatti, a suciità civili. Ma di manera più dimucratica bisugnava ad allargà, ascultà
quiddi chì, ghjornu ghjornu sò à nantu à u tarrenu. Appughjà si nantu à issi attori
permanenti –impresi, sindicati, associ- chì si misurani ogni ghjornu à u disoparu,
a sclusioni, u mancu di civisimu ,via, i veri prubluma di una suciità muderna. In fatti,
ritruvà a parola persa.
i quattru punti
À l’ingrossu, issa cunsultazioni divia purtà nantu à quattru punti :
-rinchjappà u ritardu strutturali in li duminii di i infrastrutturi publichi è attrazzi
cullettivi.
-Sparta i cumpitenzi, simplificà l’urganizazioni di i puteri publichi, raziunalizà
u gistiscia publicu.
-ricunnoscia a specificità isulana è i mezi di valurizà la (populu, lingua, cultura,
patrimoniu fundiu, d’ambienti è storicu).
-comu rializà issi riformi (adattazioni ligislativa, rifusioni di u statutu fiscal,
trasferì cumpitenzi è risorsi, legi di prugrammazioni di i mezi è i dutazioni...)
i prima insignamenti
Dopu issa cunsultazioni, da veru aparta è publica, è vistu l’urgenza, eccu i prima
insignamenti ch’eddu si ni pò tirà :
Ni rissorti sei evidenzi è cinqui segni forti.
sei evidenzi :
 a paci : i
dibattiti senza alcuna agressività ani datu ancu di più issa vulintà di paci .
l’azzioni : bisognu forti d’agiscia, pruducia
ricchezzi, custruì una Corsica dinamica è prospara.
a chjarificazioni : u sistema attuali hè pur troppu
cumplessu, troppi strutturi accadastati, una isula arci ammaistrata puliticamenti,
amministrativamenti causa di ingorghi chì impidiscini di funziunà.
a indispinsevuli salvezza di a noscia identità : a
cultura, a lingua, u populu, a cumunità di distinu, a diasporà, quant’è à i
rilazioni storichi è culturali cù a Francia, u Maritarraniu è l’Auropa sò stati
unu di pinseri impurtanti di a ghjenti ascultata.
ammaistrà u nosciu avvena : ugnunu devi piddà i sò
rispunsabilità, u sviluppu di l’isula devi essa sceltu da i Corsi eddi stessi,
dicisu da eddi, ammaistratu da eddi, nè impostu nè sviatu.
Cinqui indicazioni forti :
a parola
ritrova :sudesfi ma rispunsevuli à pettu à a parola libara.
mutazioni : u cambiamentu hè chertu, esciasi da un
statu quo chì ùn dà nudda.
una spiranza : hè oghji una diccia storica pà a
Corsica ; fà tuttu da ùn essa, una volta dinò, dilusi.
ùn isminticà mai : dumandani à l’eletti di ùn
isminticà si mai di i drama chì ani adduluritu l’isula è i raghjoni di tuttu què.
l’unioni par fà a Corsica : socioprufissiunali,
assuciazioni, culturali sò cascati d’accordu nantu à u mudellu di sviluppu di
l’isula, affirmatu nantu à i trè punteddi :
turisimu/agrucultura/ambienti :
liati
lingua/cultura/patrimoniu/identità : ceppa di u sviluppu è fundamentu di u populu
è di l’anima corsa.
statu fiscali : micca dirugatoriu ma spicificu.
cunclusioni
Si pò dì chì, alcuna dumanda ùn hè stata accumpagnata da
un bisognu di scambiamentu, di dirugà à u drittu cumunu, naziunali o cumunutariu è,
ancu, una rifusioni di i testi ligislativi.
In fatti, dà à l’eletti corsi una cumpitenza ligislativa in lu quatru di una
cullettività autunoma.
|
